एएफसी एसियन कप २०२३ अन्तर्गत तेस्रो चरणको छनोटमा बंगलादेश पराजित भएको छ।
समूह ‘ई’ अन्तर्गत बुधबार भएको खेलमा बंगलादेशलाई बहराइनले २-० गोलले पराजित गर्यो।
मलेसियामा जारी समूहका खेलमा बहराइका लागि अली अब्दुल्लाह हसनले ३४ र अल अस्वादले ४२ मिनेटमा गोल गरेका थिए।
छिमेकी देश भारत रहेको समूह ‘डी’ का खेल कोकलतामा हुँदैछन्। भारतले आफ्नो पहिलो खेलमा आज कम्बोडियासँग खेल्दैछ।
साफ च्याम्पियनसिप खेल्ने बाँकी देशहरू श्रीलंका र माल्दिभ्स समूह ‘सी’ मा छन्। उज्वेकिस्तानमा हुने यो समूहका खेलमा आज माल्दिभ्सले थाइल्यान्ड र श्रीलंकाले उज्वेकिस्तानसँग खेल्दैछन्।
नेपाल भने समूह ‘ए’ मा छ। नेपालले आज राति कुवेतमा हुने खेलमा जोर्डनसँग खेल्नेछ।
