प्रधानमन्त्री केपी ओलीले कोरोना भाइरस (कोभिड–१९) महामारी अन्त्य नभएसम्म पारिश्रमिक नलिने घोषणा गरेका छन् ।
नयाँ वर्ष २०७७ को अवसरमा शुभकामना सन्देश जारी गर्दै प्रधानमन्त्री ओलीले आफ्नो पारिश्रमिक सरकारले गठन गरेको कोभिड–१९ रोकथाम, नियन्त्रण तथा उपचार कोषमा जम्मा गर्ने घोषणा गरेका हुन् ।
‘मुलुकको कार्यकारी प्रमुखका हैसियतले कोरोना महामारी समाप्त नभएसम्म मैले आफ्नो पारिश्रमिक कोभिड–१९ प्रधानमन्त्री राहत कोषमा जम्मा गर्ने निर्णय गरेको छु’, प्रधानमन्त्रीले भनेका छ्न ।
