काठमाडौं, १० असार । आइएमई लाइफ इन्स्योरेन्सले ६० करोड रुपैयाँ बराबरको ६० लाख कित्ता आइपीओ निष्काशनका लागि नेपाल धितोपत्र बोर्डमा अनुमतिका लागि आवेदन दिएको छ ।
कम्पनीले गत जेठ ३१ मा तेश्रो साधारण सभा सम्पन्न गरेर आइपीओ निष्काशनको लागि प्रस्ताव गरिएको एजेण्डालाई पारित गरेको थियो ।
कम्पनीको हालको चुक्ता पूँजी १ अर्ब ४० करोड रहेको छ । प्राथमिक शेयर निष्काशन बिक्रीपछि चुक्ता पूँजी २ अर्ब पुग्ने भएको छ । शेयर बिक्रीपछि ७० प्रतिशत प्रोमोटर तथा ३० प्रतिशत साधारणतर्फ रहने छ ।
कम्पनीले गएको वर्ष भन्दा चैत्र मसान्तसम्म ११४ प्रतिशतले बढी आम्दानी गरेको छ । अर्थात कम्पनीले १ अर्ब ८९ करोड ५४ लाख रुपैयाँ बीमा शुल्क उठाएको छ । गएको वर्ष कम्पनीले ८८ करोड १९ लाख बीमा आर्जन गरेको थियो ।
यस्तै कम्पनीले १० करोड १ लाख रुपैयाँ नाफा कमाएको 5थियो । गत वर्ष सोहि अवधिमा कम्पनीले ९ करोड ८१ लाख नाफा कमाएको थियो ।
शेयर निष्काशन तथा बिक्री प्रबन्धकमा सिभिल क्यापिटल तोकिएको छ ।
