अमेरिकाबाट आगामी सोमवार १५ लाख डोज कोरोनाविरुद्धको खोप नेपाल आउने भएको छ ।
अमेरिकाले नेपाललाई दिन लागेको जोन्सन एण्ड जोन्सनको १५ लाख डोज कोरोना विरूद्धको खोप सोमबार काठमाडौं आइपुग्ने भएको हो ।नेपालका लागि अमेरिकी राजदूत रेण्डी बेरीले शुक्रबार सामाजिक सञ्जाल फेसबुकमार्फत उक्त परिमाणको खोप नेपाललाई उपलब्ध गराउन लागेको घोषणा गर्नुभएको हो ।यसअन्तर्गत सोमबार जोन्सन एण्ड जोन्सनको १५ लाख ३४ हजार ८५० डोज खोप नेपाल आइपुग्ने स्वास्थ्य तथा जनसङ्ख्या मन्त्रालयका प्रवक्ता एवं इपिडिमियोलोजी तथा रोग नियन्त्रण महाशाखाका निर्देशक डा कृष्णप्रसाद पौडेलले बताउनुभएको छ ।
उहाँका अनुसार अमेरिकामा जोन्सन एण्ड जोन्सन कम्पनीले विकास गरेको जोन्सन एण्ड जोन्सन खोपको एक मात्रा लगाएपछि अर्को मात्रा लगाउन नपर्ने जनाइएको छ ।
