चिनियाँ स्मार्टफोन ब्राण्ड ओप्पोले नेपाली बजारमा ए५७ र ए७७ सार्वजनिक गर्ने भएको छ । लामो समयसम्म टिक्ने ब्याट्री, फ्ल्यास चार्जिङ र आकर्षण डिजाइनका साथ कम्पनीले यो फोन नेपाली प्रयोगकर्ता माझ उपलब्ध गराउने भएको हो ।
ओप्पो ‘ए’ सिरिज बजेट स्मार्टफोन हुन् । ‘ए’ सिरिज अन्तर्गत यसअघि आएका स्मार्टफोनमा उपलब्ध फिचरलाई परिमार्जित गर्दै यी दुई स्मार्टफोन सार्वजनिक गर्ने भएको हो । कम्पनीका अनुसार यी फोन प्रिमियम टुडी र फ्ल्यागशिप डिजाइनमा उपलब्ध हुनेछ ।
डुअल स्पिकरहरू र ३३ वाट फ्ल्यास चार्जिङ युक्त फोन नेपाली प्रयोगकर्तामाझ निकै प्रभावकारी हुने दावी कम्पनी छ । कम्पनीले ओप्पो ए७७ र ओप्पो ए५७ सार्वजनिक हुने मिति भने तोकेको छैन् । यद्यपि यो फोन चाँडै नै सार्वजनिक हुने कम्पनीले जनाएको छ ।
