नेपाल स्टक एक्सचेन्ज नेप्सेमा लगातार दोस्रो दिन नेगेटिभ सर्किट लागेको छ । बुधबार कारोबार सुरु भएको ३९ मिनेट मै सूचक २ प्रतिशतले घटेपछि आजको लागि समय अगावै कारोबार बन्द भएको छ । हिजो मंगलबार पनि बजार २ प्रतिशतले घटेपछि बजार समय अगावै नै बन्द भएको थियो ।
आज कारोबारमा आएका ७४ कम्पनीका १० हजार ५ सय २६ कित्ता शेयर खरिद बिक्रि बाट ३६ लाख १३ हजार ५ सय २३ रुपैयाँको कारोबार भएको छ । आज कारोबारमा आएका ७४ कम्पनी कै मूल्यमा गिरावट आएको छ ।
नेप्सेले मंगलबारदेखि लकडाउनको असहज परिस्थितिलाई भन्दै दैनिक २ घण्टाको लागि कारोबार सुचारु गरेको हो । असहज परिस्थिति भएकोले नेप्सेले २ प्रतिशत बजार घटबढ हुँदा नै त्यस दिनको कारोबार बन्द गर्ने गरेको छ ।
