काठमाडौं : नेपाल टेलिकमले प्रवाह गर्ने सबै किसिमका टेलिफोन सेवा अवरुद्ध भएका छन । टेलिकमले सञ्चालन गर्दै आएको ल्याण्डलाइन फोन, जीएसएम पोस्टपेड तथा प्रिपेड मोबाइल, हटलाइनल गायत सबै टेलिफोन सेवा बुधबार बिहानै देखि अवरुद्ध भएका छन् ।
नेपाल टेलिकमका प्रवक्ता राजेश जोशीले सिस्टममा समस्या आएकाले जीएसएम नम्बरमा फोन नलाग्ने समस्या आएको बताएका छन् । उनका अनुसार बिहान साढे ६ बजेदेखि फोन नलाग्ने समस्या आएको हो ।
उनले सिस्टममा कहाँनिर समस्या आयो भन्ने पत्ता लागिसके नसकेको जानकारी दिएका छन् ।
समस्याका बारेमा टेलिकमले आफ्नो वेभसाइटमा समेत कुनै जानकारी राखेको छैन । एनटीसी टेलिफोन सेवाहरुमा आएको समस्याका कारण उपभोक्ताहरुमा हैरानी भएको छ ।
मोबाइल नम्बर डायल गर्नासाथ कल सकिएको संकेत देखिने गरेको छ । बिना सूचना सेवा अवरुद्ध हुँदा ग्राहकरुले आफ्नो मोवाइलमा पैसा सकिएर फोन सम्पर्क नभएको हो कि भन्दै रिचार्ज समेत गरेका छन् ।
