काठमाडौं । नेपाल धितोपत्र बोर्डले ज्योति विकास बैंकलाई ऋणपत्र निष्काशनको अनुमति दिएको छ । ज्योति विकास बैंकलाई बोर्डले १ अर्ब ५० करोड रुपैयाँ बराबरको १५ लाख कित्ता ऋणपत्र निष्काशन गर्न अनुमति दिएको हो । बैंकलाई बोर्डले जेठ २७ गते अनुमति दिएको हो ।
उक्त कम्पनीले १५ लाख कित्ता ऋणपत्रमध्ये ६ लाख कित्ता ऋणपत्र सर्वसाधारणको लागि निष्काशन गर्नेछ भने ९ लाख कित्ता ऋणपत्र व्यक्तिगत तवरबाट विक्री गर्नेछ । कम्पनीले वार्षिक ९ प्रतिशत ब्याजदरमा आगामी १० वर्षसम्मका लागि ऋणपत्र निष्कासन गर्न लागेको हो । विक्री प्रबन्धकमा एनआइबिएल एस क्यापिटल लिमिटेड रहेको छ ।
