काठमाडौं । काठमाडौं महानगरपालिकाले इलेक्ट्रीक सवारी साधनलाई प्रोत्साहन गर्ने आर्थिक ऐन जारी गरेको छ । महानगरले जारी गरेको आर्थिक ऐन २०७८ ले इलेक्ट्रीक सवारी साधनमा लाग्ने करमा सहुलिय दिएको हो ।
आर्थिक ऐनमा उल्लेख भए अनुसार महानगर भित्र भएका इलेक्ट्री सवारी साधनका शोरुम, वर्कशप, चार्जिङ स्टेशन जस्ता व्यवसायमा कुनै कर लाग्ने छैन । यसले व्यवसायीहरुलाई प्रत्यक्ष फाइदा पुग्छ भने त्यसको केही अंश ग्राहकले पनि पाउने छन् । अहिले महानगरमा खुलेका यस्ता व्यवसायले वार्षिक ५० हजार रुपैयाँ महानगरलाई बुझाउनुु पर्ने व्यवस्था रहेको छ ।
त्यस्तै काठमाडौं महानगर भित्रका सार्वजनिक पार्किङ स्थलहरुमा इलेक्ट्रीक सवारी साधनमा पार्किङ गर्दा कुनैपनि शुल्क नलाग्ने भनिएको छ । कम्बश्चनको हकमा दुईपाग्रेमा पहिलो ३० मिनेटको १५ रुपैयाँ र प्रतिघन्टा २५ रुपैयाँ लाग्छ भने चारपाग्रेमा ५० रुपैयाँ र ८० रुपैयाँ लाग्ने भनिएको छ ।
