काठमाडौं उपत्यकामा जारी निषेधाज्ञाका सम्बन्धमा निर्णय लिन राजधानी काठमाडौं उपत्यकाका प्रमुख जिल्ला अधिकारी (सीडीओ)हरूको बैठक बस्दैछ । जिल्ला प्रशासन कार्यालय काठमाडौंमा आज साँझ ५ बजेपछि बैठक बस्ने तयारी भएको छ ।
ललितपुरका प्रमुख जिल्ला अधिकारी ढुण्डीराज निरौलाले १ सातादेखि १० दिनसम्म निषेधाज्ञा थप गर्ने तयारी भएको बताए । जारी निषेधाज्ञा असार १४ मा सकिँदैछ ।
सीडीओहरूको बैठकमा उपत्यकामा सार्वजनिक यातायात सञ्चालन गर्ने कि नगर्ने भन्ने विषयमा समेत छलफल हुने बताइएको छ । निजी सवारी जस्तै सार्वजनिक यातायातमा पनि जोर बिजोर लागू गर्नेबारे निर्णय हुन सक्ने छ।
वैशाख १६ गतेदेखि काठमाडौं उपत्यकामा निषेधाज्ञा छ।
