मानुषी लघुवित्तले निष्काशन गरेको आईपिओ आज सोमबार बाँडफांड हुने भएको छ । बिकी प्रबन्धक नेपाल एसबिआई मर्चेन्टका अनुसार आज बिहान ८:३० बजे मेर्चेंर कै क्यापिटलमा आईपिओ बाँडफांड गर्न लागिएको हो ।
कम्पनीको आईपिओमा २४ लाख ३ हजार ५५ जना आवेदकबाट ३ करोड ६ लाख ३२ हजार ४ सय ५० कित्ताको लागि आवेदन परेको छ । यो माग गरिएभन्दा ८३.१० गुणा बढी हो ।
कम्पनीले साउन २७ गतेदेखि आईपिओ बिक्रि खुला गरेको हो । कम्पनीले ३ करोड ९३ लाख ७५ हजार बराबरको ३ लाख ९३ हजार ७ सय ५० कित्ता शेयर निष्काशन गरेको हो ।जस मध्ये जारी पुँजीको ०.५ प्रतिशतले हुन आउने ५४६९ कित्ता कर्मचारीलाई र जारी पुंजीको ५ प्रतिशतले हुन आउने १९ हजार ६ सय ८८ कित्ता शेयर सामूहिक लगानी कोषको लागि छुट्याईएको थियो । बाँकि रहेको ३ लाख ६८ हजार ५ सय ९३ कित्ताको लागि सर्वसाधारणले आवेदन दिएका हुन् ।
माग भन्दा बढीको आवेदन परेकोले कम्पनीको गोलाप्रथाबाट बाँडफांड हुने छ । जस अनुसार ३६ हजार ८ सय ५९ जनाले मात्र शेयर पाउने छन् । यस हिसाबमा आवेदन दिने २३ लाख बढी आवेदक हात खाली हुने छन् ।
कम्पनीले बैशाख १३ गते शेयर निष्काशनको अनुमति माग गर्दै बोर्डमा आवेदन दिएकोमा असार ३१ गते शेयर निष्काशनको लागि अनुमति पाएको थियो।
कम्पनीको केन्द्रिय कार्यालय काभ्रेमा रहेको छ ।
