काठमाडौं । नायिका पूजा शर्मा र युद्ध बानियाँ केही समययता प्रेममा छन् । आकाश श्रेष्ठसँग ब्रेकअप भएपछि पूजा अहिले अर्का एक नयाँ युवकसँग डेटिङमा छिन् । व्यापारी समेत रहेका युवक युद्ध बानियाँसँग अहिले पूजाको प्रेम सम्बन्ध भएको चर्चा छ ।
सार्वजनिकरुपमा प्रेम सम्बन्धलाई स्वीकार नगरेपनि यी दुई केही समयदेखि डेट गरिरहेका छन् । सँगै घुम्ने, कफी पिउने र सपिङमा निस्किएका उनीहरुका भिडिओ र तस्विर सार्वजनिक पनि भएका छन् ।
यसैसाता युद्ध र पूजा केही सहयोगीसँग पर्वतको कुस्मा पुगे जहाँ उनीहरुले सँगै बन्जीजम्पको मजा पनि लिए । टीकटकमा यी दुईले बन्जी जम्पको भिडिओ पनि पोस्ट गरेका छन् । एकै ठाउँ र एकै समयमा बन्जी जम्प गरेको टीकटक पोस्ट देख्न सकिन्छ ।स्रोतका अनुसार पूजा र युवक यसैवर्ष विहेको तयारीमा छन् र सम्बन्धलाई लिएर गम्भीर पनि । गत फागुनमा पूजाले दिदीहरुमार्फत युद्धलाई भेटेकी थिइन् । भेट भएको सात महीनामा उनीहरुले भविष्यको योजना पनि बुनेका छन् । हेटौंडाका युद्ध अहिले ललितपुर सातदोबाटोमा बस्दै आएका छन् ।
