भक्तपुर, २० असार । भक्तपुरको काठमाडौं क्यान्सर सेन्टरविरुद्ध स्थानीय आन्दोलनमा उत्रिएका छन् । चाँगुनारायण नगरपालिका वडा नंं ९ ताथलीको फैढोकास्थित सो अस्पतालले मनोमानी गरेको भन्दै स्थानीय आन्दोलित भएका छन् ।
उनीहरुले सो क्यान्सर अस्पतालले मनोमानी गरेको भन्दै चाँगुनारायण नगरपालिका र क्यान्सर अस्पताल रहेको वडामा ज्ञापन पत्र बुझाएका छन् ।
विगत ६ वर्षदेखि सञ्चालनमा आएको सो अस्पतालले हालै मात्र भवन निर्माणका लागि वडा कार्यालयका कर्मचारीमार्फत् सूचना टाँस गरेको थियो ।
उक्त सूचना टाँस भएपछि स्थानीयले अस्पताल प्रशासनको ध्यान आर्कषण गरेका थिए । तर स्थानीयलाई मतलब नगरी अस्पतालले बनाउन लागेको भवनले मापदण्ड पूरा नगरेको र अस्पतालको साँधसँधियारको विवरण समेत नमिलाई सूचना निकालेको थियो । सो सूचना प्रकाशित भएसँगै स्थानीय आक्रोशित भएका छन् ।
स्थानीयले अस्पतालले जानकारी नै नदिइ क्यान्सरको उपचारका लागि बंकर बनाउन लागेको बताए ।
अस्पतालको प्रशासन शाखाकी प्रमुख बर्षा कोइरालाले अस्पतालले नयाँ भवनको प्रक्रिया थालेसँगै स्थानीयले वडा कार्यालयमा रोक्का हालेको जानकारी दिइन् । उनले अस्पतालप्रति स्थानीयको शंका निवारणका लागि अस्पताल तयार रहेको बताउँदै वडामार्फत सहजीकरण गर्न खोज्दा केही मिस्डअन्डस््रट्याडिङमात्र भएको बताइन् ।
‘उहाँहरुको चित्त दुखाई केमा हो ? त्यो हामी बुझ्न तयार छौं, हामीले अस्पताल सम्बन्धी आएका विषयलाई वडा कार्यालयका प्रतिनीधिमार्फत् समाधान गर्नमात्र खोजेका हौं ।
