काठमाडौं- औषधि व्यवस्था विभागले स्यानिटाइजर बनाउन थालेको छ। कोरोना भाइरसको त्रास बढेसँगै विभागले स्यानिटाइजरको उत्पादन सुरु गरेको हो। कोरोना संक्रमण देखिएपछि बजारमा ह्यान्ड स्यानिटाइजरको माग बढिरहेको छ। बबरमहलमा रहेको उद्योमा विभागले उत्पादन सुरु गरेको हो।
विभागका जनरल म्यानेजर विजयश्री रत्न बज्रचार्यका अनुसार दैनिक २० हजार वोतल स्यानिटाइजर उत्पादन भइरहेको छ। १ सय एमएलका ति बोतलको खुद्रा मुल्य १७५ र थोक १५० रहेको छ। १ लिटरको प्याकेट लिन चाहनेहरुका लागि १२ सय ५० मूल्य राखिएको छ।
विश्व स्वास्थ्य संगठनको मापदण्ड अनुसार स्यानिटाइजर उत्पादन गरिएको उनले बताए।
