कोरोना भाइरस (कोभिड–१९) को जोखिमलाई मध्यनजर गर्दै सरकारले जारी गरेको लकडाउनको छैटौ दिनसम्म पनि समुह समुहमा हिँडडुल गर्ने काममा नियन्त्रण हुन सकेको देखिँदैन ।
लकडाउनका समयमा दैनिक उपभोग्य समानहरु खरिदका लागि दुरी तय गर्नु पर्ने नियमको समेत चेताना स्तरको कमीकै कारण लागू हुन नसकेको भक्तपुरका बिभिन्न स्थानमा देख्न सकिन्छ ।
त्यस्तै भक्तपुर नगरपालिकाले दैनिक जनजीवन सहज बनाउन लकडाउनको समयमा दैनिक उपभोग्य समान खरिदका लागि बिहान तीन घन्टा र बेलुकाको दुइ घन्टाको समय छुट्याएको छ । नपाले सो समयमा समान खरिदका लागि १ ,१ मिटरको दुरि तय गरेको छ भने सान्यतया सुरक्षित रहने बिभिन्न उपाय अवलम्वन गर्न समेन आग्रह गरेको भक्तपुर नगरपालिकाका प्रमुख सुनिल प्रजापतीले जानकारी दिए । उनले भने स्थानियहरुको चेतनाका लागि बिभिन्न खालका गतिबिधिका साथै स्वयंसेवक समेतपरिचालन गरेका छौ ।
लकडाउन आफ्नै स्वास्थ्यका साथै परिवारको स्वास्थ्यलाई मध्यनजर गरि कोरोना नियन्त्रका लागि भएकाले यसलाई महत्व दिएर पालन गरिदिन प्रजपतिले आग्रह गरे ।
