काठमाडौं, २ असार । खेलका पारखिहरुको ध्यान यतिबेला यूरो कप २०२१ तिर गईरहेको छ । विश्वभर युरो कप २०२१ को सुरुवातसंगै फुटबलका फ्यानहरु मात्र नभई सर्वसाधारणहरुमा पनि यसले उमङ्ग छाएको छ । यसैमा अँझ बढी उमङ्ग र उत्साह थप्न लक्ष्मी बैंकले एफ–वान सफ्टसँग मिलेर ‘प्रेडिक्ट एण्ड वीन क्याम्पेन’ ल्याएको जानकारी दिएको छ ।
यो क्याम्पेन युरो कप २०२१ शुरु भएको दिन जुन ११ देखी सुरु भई अन्तिम दिन जुलाई ११ सम्म जारी रहने भएको छ । क्याम्पेनमा ५ जना भाग्यशाली विजेताहरुले ५० एम.बि.पि.एस को १ वर्ष अवधिको ईन्टरनेट सेवा निःशुल्क पाउन सक्ने भएका छन् ।
क्याम्पेनमा भाग लिन लक्ष्मी बैंकका ग्राहकले मोबाईल मनी सेवा शुरु गरेको हुनुपर्छ । मोबाईल मनीका प्रयोगकर्ताले सजिलै एपद्वारा नगद ट्रान्स्फर गरी यसमा सहभागी हुन सक्नेछन् । मोबाईल मनी को ’फोन–पे डिरेक्ट’ वा अन्तर बैंक नगद ट्रान्स्फरबाट नगद ट्रान्सफर गर्दा प्रोमो कोड राख्ने ठाउँमा आफुले अनुमान गरेको युरो कप विजेता देशको नाम राख्नुपर्नेछ । यति गरेपछी क्याम्पेनमा सहभागी हुन सकिने भएको छ ।
क्यम्पेनको अवधिपछि युरो कप विजेता देशको सही अनुमान गर्ने ग्राहकहरु मध्येबाट लक्की ड्र मार्फत ५ जनालाई विजेता घोषणा गरिने भएको छ । विजेता ग्राहकले १ वर्षको ईन्टरनेट सब्स्क्रिप्सन नि:शुल्क पाउने छन् । यस क्याम्पेनमा जती धेरै नगद ट्रान्स्फर गरिन्छ त्यती नै धेरै जित्ने मौका पाईने भएको छ ।
