प्रदेश १ का मुख्यमन्त्री शेरधन राईले विपन्न समुदायको घरघरमा राहत पुर्याउने व्यवस्था मिलाउन सबै स्थानीय तहका जनप्रतिनिधिलाई निर्देशन दिएका छन् ।
राहत वितरणका क्रममा सार्वजनिक स्थानमा भिडभाड बढेपछि मुख्यमन्त्री राईले घरघरमा राहत पुर्याउने व्यवस्था मिलाउन जनप्रतिनिधिहरुलाई निर्देशन दिएका हुन ।
शुक्रबार बसेको सुरक्षा परामर्श समितिको बैठकमा मुख्यमन्त्री राईले प्रदेशका सुरक्षा प्रमुखसँगको बैठकपछि स्थानीय तहलाई डेलिभरी भ्यानको व्यवस्था गरेर विपन्नलाई राहत उपलब्ध गराउन निर्देशन दिएका हुन् ।
तराईका जिल्ला र शहरी क्षेत्रमा यो समस्या रहेको भन्दै स्थानीय तहका जनप्रतिनिधिहरुसँग समन्वय गरेर व्यवस्थापन गर्न समेत सुरक्षा निकायलाई उनले निर्देशन दिए ।
संक्रमण भित्रिन नदिन भारतीय सीमामा कडाइ गर्नुको विकल्प नरहेको बताउँदै मुख्यमन्त्री राइले नयाँ योजनाका साथमा सीमा नाकाहरुमा कडाइ गरिने बताए ।
